CHE TEMP

I so mia parchè, ma gnì vecc am porta a ricurdè.
Ricurdè i temp dla mè giuventü, kui temp chi ritùrnan pü!
Kume quand i giüghèvan a balòn sü l’èra, e tüti a pé par tèra. 
O cume quand, da nascundòn, i ducévan i mundini a lavès biùti al ciüsòn. L’eva na bèla bòta da vita anca quand ant’la curt i giüghévan a lipa. 
La sfrunsa l’eva  micidiàl par ciapè i bissi chi giràvan ant’i canàl. 
L’eva anca püssè bèl al mund quand as girava in tund. 
Tüti i dì, sia da sera che da matìna, as giügheva a salta cavalina.