L'ANGIULINA

Quanta gent da Nuàra par tüti i strài
Suldà in divìsa, mül e kavài
Büstina in tèsta e al fiank la baiunèta
Kunt’i skarpón fai da kartón

A parta la tradùta dla stassiòn
E fin dla matìna a ghè cunfüsiòn
Tüta Nuara lè in fèsta, lè d’està
E parta la Sfursèsca, i-ültim salüd e racumandassiòn
Intànt che al trenu s’inviàra dla stassiòn

Ma dua i van a-sti suldà kusì giùin e mal kunscià!?
I van luntàn-luntàn a fà la guèra
Al post da stà kà a lavrà la tèra
I van in Rüssia, süi rivi dal Don
A ghè anka un suldà da Mlogn
E l’Angiulina klè la so mama lè piangiü par tüta smana

Finalmént dopu tri mes, na lètra lè rivà in paés
“Mama, i stò ben, ma fà tantu frécc!
I mangi pok e la pàja lè al mè lécc
Kì i spàran da tüti i kantón
E tanti amìs ien già ndai al fupón…”

A passa ankùra tri mes… e al pustìn al porta un’altra lètra na matìn
“Mama, i són cirkundà, e kunt’al zàinu in spala i devi skapà
In mès dal frècc dla matina a la sera
Ant’la turménta tüta fioka e buféra
I gò i man frègi e kungelà
Sensa un foku da püdei skaldà!”

Tantu temp dopu, al pustìn, na matìna…
“Ankùra gnénta, kara Angiulìna…
Sperùma ka sia dumàn”… e intànt a passa un àltar ann.

Ankùra adèss ke la guèra lè finì
L’Angiulìna la prega tüti i dì.

E dopu tanti ann… propi incö, ien turnà ses-cent da kui suldà.
Ien rivà in tanti kassèti neri
Unùr militar, fanfàri e preghieri.

Ien tücc suldà sensa nòm
Kien fai la guèra sui rivi dal Don
Forsi a ghè anka al suldà da Mlogn…
DONNÌNI VITTORIO.